Disset Wochenenn hew’ck mi de Tied mit’n bedden Rumtüftelei verdräben. Ick heff ‘n Bild funn, wo so fähl Punkt up wiern, de sick nah’n bestimmt Muster ordnet hemm. Un as ick dat so seih, hew’ck mi dacht: Dat seiht ja gor nich man so leeg ut.

Un schon wier’ck dorbie sowat sülben tau buugen. Ick wull twee Text mitnanner kombiniern un dorut wat mit ‘n bedden Farw rutkrägen. Bie mine Seuk nah ‘n poor miehr Information, hew’ck rutfunn, dat’ Lüü givt, de ne Farw seiht, wenn sei ‘n Baukstaben hürn. “Synästhesie” heit dat.

Nah’n bedden rumprobiern un de een orrer annern Trick ha’ ick mine “Matrix” fardig.

Dormit nich nur ick ‘n bedden Spaß mit de Matrix heff, hew’ck ‘n Lütt Formular schräben, mit de jeder sine Matrix maken künn: Matrix-Formular

Hüt is sowiet. Siet Monaten teuf ick all up dissen Daag. Denn 14. März. De Daag an denn dat Spähl “Journey” för de PlayStation 3 in Düütschland rutkummt.

Dat ierste nah de Arbeit wat’k makt hew: PlayStation an, rin in Store un Journey runnerladn. 581 MB in tein Minuten. Dat het ‘gfeult ewig duuert.

Dann geiht los. De Reis beginnt … un is miehr Kunst as wie Spähl …

Allein in de Wüst’. Nur een Barg an Horizont tu’n navigiern. Wat sull man da süss makn … also los un nah’n Barg hen … een Ries – Journey.

Jeder kriggt up sine Ries een Teken. Min Teken wier dat hier.

Bie Journey hemm de Jungs un Dierns von thatgamecompany ornlich wat tausamm buugt. Tolle Biller, groot Musik.

De Musik von Journey gift’t hier: Soundcloud

‘It wie an Niegjohrsdaag in Dräsdn. Min Hartlening un ick wull’n bedden rut gahn. Nu geiht man ja nich nur so rut. Nee, wi brukn ne Upgaaf.

Dor kümmt in Sinn, dat ick, as ick ‘n lütt Jung wier, jümmer’s mit mine Öllern an Niegjohr unnerwegens wier tau min Grotöllern. Dormit mi dat nich langwielig watt hemm wie dann de Raketenstöcker sammelt de överall rumleggen hemm. ‘N bedden later in Johr hew ick ut de Stöcker dann Munition för min Flitzbagen makt.

Nu stünn ick also in niegen Johr 2012 mit min Hartlening ook budden un dormit uns budden Rumloopen nich so langwielig wart fung wi an Raktenstöcker tau sammeln. Sei liggen överall! Up’e Straat, in ne Büsch un up’e Wischen. Komisch … da gift dat bi Dräsdn wohl keen lütt Jungs, de an Niegjohrsdaag Raktenstöcker sammeln.

Een hemm’ wi seihn … een ollen Zopp up’t Rad, de het ook ‘n poor Stöcker hat. Dat wier’s.

Wi wiern ne Stunn unnerwägens un hemm 27 Stöcker funn. Ick weit gor nich wat wie nu mit de wulln. ‘N Bagen hef’k jor nich miehr.