Över mi

Hallo,

ick heit Arne Uplegger un wahn in Griepswold/Greifswald – un dis is min lütt Siet in groten Internett.

Dis is woll de sösst Version von min Innernettsiet un taun iersten mal nähm ick een System, dat ick nich sülbst schrieben hew. Dat’s wat bannig niegt för mi. Ji möt nämlich weiten, ick bin so’n Bastel- und Fummeljung wat de Technik un besonners Internettsieten angaht.

Ick wur‘ an 24. Mart 1985 in de schön Hansestadt Rostock born. Dor wier ick ook bet tau min 22. Läbensjohr, mit all drum und dran Abitur, Zivildienst in Kinnergorden und een Versäuk tau studiern (Landeskultur und Umweltschutz) – dat wier mi awer nix!

Dann bin ick nah Griepswold kumm, tau min Utbillung as’n Mediengestalter.

Siet 2010 dörf ick mi ennlich „Mediengestalter für Digital- und Printmedien“ nenn‘. Mit de Gestaltung hew ick awer jimmers nich so fähl tau daun. Den hele Daag sitt ick in Reckenzentrum von de Universität Griepswold förn Script von so bannig komplizierte Sachen mit Datenbanken un grote Inhalt-Organisier-System (CMS). Ji künnt juch dat villicht nich denken, awer dat‘ jimmers ’n hele Hoeg för mi.

Worüm ick dat ahns hier up Platt schrief het een Grund. N’twars hew ick disse Sprak so leif!

Tohuus schnacken wi fähl Platt, min Öllern un ick. Liert hew ick sei von min Öllern un Grotöllern. Dortau künn ji ook den Intrag „A’Tschüß“ läsen.

Platt is een so schön Sprak!