Archiv der Kategorie ‘Oll Tüüch‘

 
 

Afschräven: Worschu!

Titel: Heimatleiw un Muddersprak

Wohrschu!
Von Fritz Ottheinrich.

Up Driewjadg, de Graf Windig höllt,
Is Korl as Driewer angestellt,
As Nahwer driwwt sin Vetter Klas,
Un beiden makt dat hellschen Spaß.
Doch bi de dulle Scheiterie
Dor schütt son Herr Baron vörbi
Un dröppt blots Korl sin Hinnerbacken,
Dat de glieks in dei Knei deiht sacken!
Hei bröllt denn nu gottsjämmerlich
Un will denn wedder rappeln sich,
Doch don röppt Klas, sin kloken Vedder:
„Bliew liggen, Minsch, hei lad’t all wedder!“

Heimatleiw un Muddersprak – Greifswald, den 5. Januar 1924

Geburtsdaag

Nu bin ick also 25 Johr oll awer föhl mi gor nich so oll, orrer doch? De een Daag is dat so, denn annern so.

Ne schön lütt Fier wier’t; mit Hunnen, lütt Kinners un fähl leif Minschen, wat tau drinken und fähl tau fähl tau etten.

We seggen will, dat een jung Kierl nich in Hushalt döcht, de liggt bannig falsch! An min Geburtsdaagsfier gistern, wier ahns all von mih sülben makt. Twee Kauken geft, een Käsekauken un enn Schokolor-Kirsch-Kauken. De Gäst hemm okk wat mitbröcht.
An Avend hemm wi dann sülben Pizza makt. Ook ahns nur mit Mähl, Ei und noch ’n bedden wat tausamm rührn un faarich is dat ganz. Gaud schmeckt het ook.

Vinyl!

Wenn ein hüt ’n bedden Musik hürn will, dann gift dat bannig fähl Möglichkeiten dat Gefiestel in’ne Uhrn tau krägen. Musik is in de Köpp hüt nur noch ne Reckenapparatsschief (CD) odder een bannig lütt un fingelinschen Ding up’n Reckenapparat (MP3). ‚N Apparat as so’n Plaatenspähler is hüt oft nix mihr wiert. Awer dort leggen fähl bannig dornäben!

De Musik von‘ Plaatenspähler is wat ganz besünners, denn een möt sik so direkt as wie’t geiht mit de Musik utnanner setten.

Weck‘ Platt will man hürn? De Plaat uplägen, denn Stuv afwischen, Tonarm mit fähl Bedacht in Position bringen un langsam afsenken. Nu knistert dat ’n bädden un schon geiht‘ los mit de Musik. So an de 20 Minuten dudelt‘ dann von fiensten ut de Lutspräcker, bet een monoton‘ Knistern un Knacksen ein seggt, de Platt is tauenn.

Siet ’n poor Daag hew ick nu ook ’n Plattenspähler (Pro-Ject Debut 3), tausamm‘ mit’n niegen/ollen Verstärker (Pioneer A676) un twee ornliche Lutspräcker (Heco Victa 300). De poor Plaaten, de ick mie all tausammdrägen hew, hürn sik ja man bannig dull an! Twar geiht mien Reckner dor ook an, awer de Schallplaat het ‚wat mihr fierlichs‘ an sik.