Leeg, leeg

Leeg, leeg is wat disse Daag in unsen Düütschen Bundsdaag vör sich geiht. Fru von der Leyen, de Ministerin för Familie, Senioren, Frun un Jugend, wull, unner denn Mantel taun Schutz de Kinners för Pornografie, een Zensur för’t Internett dörchsetten. Dat erinnert mi bannig an een Bauk dat ick in Winter lääst hew. Dor güng dat um een Kierl, de in’t London de Taukunft läävt un mit dat System dor vun de Regierung nich klor kümmt. Dat Bauk is von George Orwell ut’n Johr 1948 un heit nur “1984″. Dor wat jümmers övern GROTEN BRAUDER rääd, de enn de ganze Tied up de Finger kiekt. Wenn se all 1948 wusst hemm, dat dat so wart bi uns – hier, in de Taukunft – worüm hemm wie dat dann so wiet kommen loten?

Noch is naug Tied! In’t Internett – noch is dat nich so dull mit de Zensur – gifft dat een Petition gägen dat Zensurgesett taun unnerschieben. Ein jeden soll dor mitmoken un sick för de Frieheit de Information insetten.

Ornlich mitmokt hemm se ook hier in Griepswald bi de Reklaam-Aktion “Farw bekennen – vörwards kieken”, taun fördern von de Region. Ne gaude Sook, de Lüüd up Platt för lokale Sooken tau warben. Giern miehr dorvon!