As ick hüt na hus kamen bin het dat glieck rumort bi mi. Also nix wie wegg un up’n Pott. Un as ick dor so seet hew ick ‘n poor Blä’ Niegtidigen sahn un ‘n bädden drin rumschmökert. ‘T wier de “Ostesee Anzeiger” för Griepswold un Umgäbung von’ 10. November.

As ick so an läsen un schmökern bin fällt mi een Artikel up Platt up.  Hei  staht in de Rubrik “Up’t Kuurn nahmen” un heit “Tante Frieda”. In denn Text geiht dat um de Landflucht von’e Doktors un um de Tied as upe Dörp noch Gemeindeschwestern wiern. De Autor – Kurt Wulf – vertellt ‘n Schlach ut sien Läben un wo gaud dat domaals wier mit sin dralle “Tante Frieda”, bi de hei wahnt het. Dormit de Text ook tau de Rubrik “Up’t Kuurn nahmen” passt, huult hei ‘n bädden rum, dat dat ahns so legg is mit de Doktors un  “Dei Regierung un dei Parteioberen” bi Brot un Wader inspunnt wart’n sulln, bet dor een Lösung för gifft. “Up’t Kuurn nahmen” – is dat för mi nich!

Mi is dat as wie Kurt Wulf up sine oll’n Daag – hei is ‘n ollen fröhen Hochschuldozenten wesst – noch eens sin 15 Minuten Ruhm hemm will. Hei schrift öfter in dissen “Ostesee Anzeiger” wat un dat’s jimmer so’n Palawer um so Saken. Hei wiest keen Utwegg ut de Probleme de hei anstött, het awer jimmers ‘n Schnak ut sine ‘Geschicht dortau togäben. Öwer de “Diagonalquerung” in Griepswold an de Europakrüzung het hei sick ook eens utlaten un  ook nur werrer rummhullt.

Emm is de Upmerksamkeit de hei för sin Literatur kreeg – denn hei schrift ook Bäuker up Platt – woll nich nauch nuch. Dann sull hei sick een lütten Blog up’ne Innernetsiet maken un dor sien ‘Geschicht vertällen un rumhuulen. In de Niegtidigen, wenn man de “Ostesee Anzeiger” so nenn dörff,  künn hei denn up Platt över anständige Saken schriewen. Mit ‘n ornlichen Thema is dor ook mier Publikum för emm un de Platt’ Sprak, as mit sin up’t-kuurn-nahmen-huulen.

Musikvideo: Adobe Flash Player (Version 9 oder höher) wird benötigt um dieses Musikvideo abzuspielen. Die aktuellste Version steht hier zum herunterladen bereit. Außerdem muss JavaScript in Ihrem Browser aktiviert sein.

Dor ick jimmers fähl Intresse an Sachen hew de mit schnieke Apparate tau daun hemm, hew ick mi all lang so’n “Smartphone” – een bannig klaugen Quasselkasten – tauleggt.

Över dissen Appart schrief ick grad dissen Text – middn Nacht!

Ick hew tau fähl Ies-Kaffee drunken un künn nu nich in Schlaap finn’.

Woans ging disset Leed noch von Vadding un Mudding un de Schoop …

Nu warden mi de Oogen all mäud von disset rupstaarn up dat lütt licht Finster. Dann wull ick nu ook all tau Bedd gahn.

Gaud’ Nacht!

So, nu langt mi dat mit mine Siet hier in Internet. De ganze oll Schiet hew ick rutschmetten und ahns wat nieg makt.

Nu wart hier ‘n schniecket Programm för ahns nahm: WordPress. ‘Twars künn ick ook wedder sülben wat fingelienschet hinfummeln, aver dor hew ick keen Lust nich tau.

Min grot Tääl is, de hel Siet up platt tau maken un – dat is wat bannig nieget – ahns ‘n bedden aktuell tau holl’n.

Dat duert ‘gwiss noch sien’ Tied bet dat hier ahns so is wie ick dat woll hemm wull.

Dormit juch dat nich tau langwielig wart, lad’ ick fix een twee oll Biedräg von

[Wat niegt: 17. November 2010]

Ick hew dat Utseihn noch eens anpasst. Nu gift dat ook ne Liest an de Siet för so’n Spälkram as wie disset Schilpen (Twitter) un anner Tüch.

Min grote Zitatsammlung hew ick ook in disset WordPress krägen. Baben, näben de Biller, de immer wesseln, staht een Taufall-Zitat.

De Adress uplegger.eu gaht nu ook op upputter.de.