Rut ut Eldena – de Tied löppt

För juch all, de’t noch nich weiten: De WG-Eldena is bald nich miehr! Wie möt’n bet taun Iersten August rut ut Eldena.

Vier Johr ha‘ ick hier ’n bannig gaudet Läben hatt, mit wunnerbor Minschen tausamm läwt und ornlich Spaß ha’n wie ook.

Wat‘ niegt taun läben hew ick ook all funn. Nu geiht‘ wegg von’t „Dörp“-Eldena, rin in’ne Stadt, gliek dicht bie de „Europakrüzung“ – wedder in ne WG, tausammen mit Saskia (de all mit mi in Eldena is) un Frauke (tau ehr tregg’n wi).

An’t letzt Wochenenn in Juli wull’n wie ’n bedden fiern un a’Tschüß tau de WG-Eldena seggen. De Tied bet taun 01.08.2011 löppt:

[sct date=“01.08.2011″]

Noch ’n poor Billder ut‘ gaud’oll Eldena.

In Hamburg

Letzt Woch wier ick mit Andy in Hamburg. Wi hemm ’n Konzert von de Kapell „The Black Angels“ beseukt.

Schlapen hemm‘ wi bi Ole in de „gröttste WG Düütschlands“ – dor wier ook jüst een Artikel in de NEON dröwer bin.

Ick wier mit de Beirette Knipsse dorbie. De Biller liggen in’t Billerbauk.

Spähln wie die Kinner

Hüt ha‘ ick Beseuk von Andy un Theo. Wi hem ’n bedden mit mine nige Spählstation spählt.

Ji glöwt gor nich wat ’n Spaß wi han bi dit Spähl „Little Big Planet 2“ – awer ornlich. Rumschriet un rumhuult as wie lütt Kinner hemm wi – un bannig fähl lacht.

Enn por Biller von unse lütt Sacklüüd sünn hier. Andy het de Hoor so hoch, Theo is de rotte Aap un ick bün de mit den lütten Kiekschapp up’n Kopp: